GUÐSPJALL MARÍU eftir Huga Guðmundsson

Frumflutningur á Listahátíð í Reykjavík

​

Mánudaginn 6. júní kl. 20:00

Tónleikastaður: Hallgrímskirkja í Reykjavík

​

Frumflutningur á óratóríunni Guðspjalli Maríu (e. The Gospel of Mary) eftir Huga Guðmundsson í samstarfi við Listvinafélag Reykjavíkur og Listahátíð í Reykjavík.

 

Líbrettó óratóríunnar unnu Nila Parly og Niels Brunse upp úr guðspjallatextum sem uppgötvuðust ekki fyrr en 1896, og birtast í bókinni The Gospel of Mary of Magdala. Jesus and the First Woman Apostle eftir Karen L. King, prófessor í kirkjusögu við Harvard háskóla. Fræðileg greining textanna þykir gefa til kynna að á fyrstu öldum eftir Krist hafi þrifist söfnuðir sem höfðu konur og almennan jöfnuð í meiri hávegum en þekktist síðar í kirkjusögunni. Þessi frumkristna arfleifð, sem fljótlega var bæld niður og lá gleymd um aldir, á þó erindi sem aldrei fyrr. Hér fær hún verðskuldaða og tímabæra lofgjörð í tónum. Líta má á þetta verk sem eins konar mótvægi við allar þær óratóríur sem samdar hafa verið til heiðurs karlkyns guðspjallamönnum í gegnum tíðina.

 

Verkið var í pantað af Listvinafélagi Reykjavíkur og Alþjóðlegu kirkjulistahátíðinni í Osló. Það var samið sérstaklega með Schola Cantorum og rödd norsku sópransöngkonunnar Berit Nordbakken í huga, en hún syngur hlutverk Maríu Magdalenu.

​

Flytjendur:

Berit Nordbakken, sópransöngkona
Schola Cantorum
Oslo Sinfonietta
Kåre Nordstoga, orgelleikari

​

Stjórnandi: Hörður Áskelsson

​

Aðgangseyrir: 5.900 kr.

Finndu miðann þinn á Tix.is