Verkin eru öll frá 20. og 21. öldinni og tjá sára sorg og söknuð ástvinamissis en fela jafnframt í sér þá kraftmiklau von og huggun sem tónlistin getur veitt.

​

Meðal verka á plötunni má nefna hið ójarðneska Lux aurumque eftir Eric Whitacre, Heyr þú oss himnum á eftir Önnu Þorvaldsdóttur, áhrifamikið í einfaldleika sínum en einnig hið tregafulla og ljúfa Requiem eftir Jón Leifs og að sjálfsögðu Heyr himna smiður eftir Þorkel Sigurbjörnsson, sálminn sem margir telja þann fegursta sem saminn hefur verið hér á landi. Útkoma Meditatio hjá hinu virta, sænska útgáfufyriræki BIS tryggir alþjóðlega dreifingu plötunnar.